[معلومات العضو BILAL_01]

- قالك واحد من ..... عندو لهوا في راسو لا حفف بولا زيرو ودار راسو في الماء

يشوف وين كاين الثقب .


2- قالك واحد فنيان راح للحفاف قعد قالو الحفاف واش لحية ولا شعر قالو الفنيان لحية

مالا قالو الحفاف طلع راسك قالو الفنيان لالا مالا حفف الشعر .


3- قالك واحد من .... قاعد يتبع في وحدا قاتلو اعطيني تيلفونك قلها راني غير مسلفو.


4 - قالك وحد النهار معلم دخلو مسمار في رجلو راح للطبيب قالو الطبيب نحولك بــ

200 الف قالو المعلم مالا عوجو وخليه .


5 - قالك كاين معلم كان في لبوست يخلص جاتو عجوز قاتلو يا وليدي هات كاش ما

تمدلي فرحلي لولاد ربي يعيشك قالها هو تحوسي نفرحلك ولادك قاتلو هيه قلها قليلهم

غدوا مايقراوش .


6 - قالك وحد الفاندوميناج كرهت من الخدمة دورتها سرقة وحد النهار راحت تسرق في

دار دخلت ملقات فيها والو سيقت الكوزينة وخرجت .


7 - قالك واحد من ..... كل مايدوش يحط دودة فوق راسو كي قلولو وعلاه قلهم

ماتشوفوش لراهم كاتبين حط الشمبوا لدقائق معدودة .


8- قالك وحد الجزار من ..... شاف طفلة عجباتو راح لدارهم يخطب فيها قلولو والديها

نمدوهالك ب 20 مليون حار هذاك الجزار وقالهم علاه وشحال الكيلو .


9- هاذو زوج خاوة من ..... واحد حفاف واحد دركي مالا الحفاف قال لمو ما غدوا ان

شاء الله نوضيني بكري قاتلو مو اوكي مالا الصباح نوضاتو مالا غلط الحفاف لبس

حوايج خوه الدركي وشاف روحو في لمراية وقال

ما قلتلها نوضيني نوضت خويا .


10- قالك زوج من ..... قاعدين مالا واحد قال لصاحبو انا راهي كاينة حاجة وحدا

محيرتني قالو صاحبو واشي هيا

قالو حمار الوحش ابيض ومخطط بالاسود ولا اسود ومخطط بالبيض .


11- قالك زوج من ..... قاعدين عند لمراية ويزطلو مالا واحد قال لصاحبو شكون هذوك

اللي مقابلينا قالو صاحبو مانعرف ناض وقالو ضركا نروح نسقسيهم حكمو صاحبو وقالو

اقعد راه واحد منهم جاي .


12- قالك تلاثة من .... قاعدين يزطلو تحت بطيمة مالا خلاصلهم الزلاميط قالو لصاحبهم

روح حوس على زالاميط

مالا راح هذاك دار على البطيمة ورجع ليهم قلهم ماعندكمش زلاميط قلولو اقعد رانا بعثنا

صاحبنا يجيب .


13- قالك واحد من ... شيخ كبير قالولو واش مداير فيك رمضان قلهم والله يا ماجاتش

الرشفة نتع الوضوء يموت الواحد بالعطش .


14- قالك هذا احول من .... دخل للجيش سجلوه في صف القصف العشوائي .


15- قالك واحد احول من .... راقد في الليل حس بابرد قام وغطى خوه .


16- قالك واحد من ..... قلولو شكون لمليحة الشمس ولا القمر قلهم القمر طبعا

قلولوا وعلاه

قلهم القمر يدير النور في الليل مي الشمس تجي في النهار والنور كاين اصلا .


17-قالك هذا استاذ يقري في ...... قال للتلاميذ نتاوعوا كيفاش نسميو النجمة

بالفرونسي مالا هز واحد يدو قالو الاستاذ قول انت

قالو نسميوها ليتوال يا استاذ

قالو الاستاذ صحيت ضركا ديرها في جملة

قالو هذاك التلميذ

ليتوال يجي اللورا واللي قصار يقدمو القدام .


18- قالك مرة مرا جابت طفل وحارت في واش تسميه كل ما تسمي اسم يجيها طويل مالا

قلها رجلها سميه استيك قصري وطولي فيه كيما تحبي .


19- قالك قطة وقط قعدو في الحديقة مالا قالت القطة ميو قال القط ميو قالت القطة ميوميو

قلها القط ماتبدليش الموضوع .


20- قالك كاين واحد بخيل كل مايروح للريستورا يدي معاه قرلو باه يديرو في الماكلة باه

مايخلصش

مالا وحد النهار شافو واحد راح ليه قالو اعطيني كاشي قرلو نديرو في الماكلة

قالو البخيل عندي غير ذبانة راح نشرب بيها تاي.


21- قالك حمار شاف خطيبتو حمارة قلها وقتاش نزوجو يا حمارة قاتلو كي تسقم هذرتك

يا حمار .


22- قالك واحد من ..... قاعد هو وحبيبتو عند لبحر مالا قاتلو حبيبتو واش يفكرك

غروب الشمس قلها في عودة قرينديزر للقاعدة نتاعو .


23- قالك واحد فنيان عندو حنوت يبيع الجاج مالا جاتو وحدا قاتلو شوفلي لجاجة فيها

زوج كيلو مالا شاف الفنيان مع الجاج نتاعو وقلهم اللي توزن زوج كيلو تنوض .


24- قالك واحد قال لبيو بابا اشريلي بورتابل قالو نشريلك بصح ركب خوك معاك .


25 - قالك واحد مهبول يضال حاط وذنو على الحيط ويسمع مالا شافو الطبيب راح ليه

قالو واش راك تسمع قالو المهبول حط وذنك تسمع

حط الطبيب وذنو مبعد قال للمهبول ماني نسمع في والو قالو المهبول هذي اللي راهي

مهبلتني .


26- قالك زوج من .... دابزو واحد قول رانا في الليل واحد يقول رانا في النهار مالا

راحو لواحد وسقساوه رانا في الليل ولا في النهار

قلهم اسمحولي مانيش منا .


27- قالك واحد من ... ديما تسقسيه صاحبتو واش تغديت يقلها لوبيا ديما هكاك مالا وحد

النهار قالو صاحبو بدل شويا قلها تغديت شوا تغديت بيتزا المهم بدل اللوبيا

مالا الغدوة كي سقساتو صاحبتو واش تغديت قلها بيتزا قاتلو اش بنينة قلها كليت زوج

مغارف شبعت .


28 - قالك هذا كبش قال باااااااااع قالو صاحبو نحيتهالي من فمي .


29- قالك زوج كباش قاعدين واحد سقسى واحد قالو راه فاتو عليك زوج عياد

وماذبحوكش قالو لوخر مركي في شهادة الميلاد حمار .


30- قالك واحد كان مريح عند باب دارو جاوه الشرطة قالولوا انت من اهل الدار قلهم

لالا انا من كفار قريش .


31- قالك واحد بخيل راح للدونتيست قالو حاب نخدم ضرستي قالو الطبيب نخدمهالك بـ

500 الف قالو البخيل والسنة وشحال قالو 100 الف قالو والناب قالو الطبيب 300 الف

قالو البخيل مالااخدمهملي كامل سنين .


32- قالك طفل قال لمو راه الاستاذ نتع التاريخ ليوم ضربني

قاتلو مو وعلاه

قلها قالي شكون فتح قنات السويس قتلو مانعرف

قاتلو مو انا نعرفك ونعرف شقاوتك مكانش مون حلها غيرك .


33- قالك واحد ديما ملي يدخل للقهوة يحط للقهواجي خمسمية في شرق الكونتوار

وخمسمية في الغرب وخمسمية في الوسط ويقلو اعطيني قهوة

مالا وحد النهار جاب هذاك السيد سواردو مجمولين وعطاهم للقهواجي

فرح القهواجي وقال ضركا نديرلو كيما كان يديرلي

مالا حطلو القهواجي خمسمية في الشرق وخمسمية في الغرب

مالا ناض السيد هذاك حطلو خمسمية في النص وقالو زيدني قهوة .


34- قالك واحد فنيان دخل يعقب في الامتحان طاحلو الستيلو مد ورقتو وخرج .


35- قالك وحدا قالت لبنتها تزيدي تضربي ختك تباتي بلا عشا قاتلها الطفلة خلاص

نضربها بعد لعشا .


36- قالك طلعت نمالة فوق كاس عصير الفرولة الاحمر وقالت اخيرا شفت البحر الاحمر.


37 - قالك واحد من .... بنا دارو مدورة شكل دائري يعني كي سقساوه وعلاه قلهم باه

مرتي ماتقليش راك حبسني بين ربع حيوط .



38- قالك واحد مزطول يمشي مع صاحبتو مالا شافت باباه قاتلو بابا قلها قليلو انا خوك .


39- قالك واحد من .... وذنيه في زوج محروقين قلولو وعلاه وذنيك محروقين

قلهم مرة كنت نحدد في قشي وحاط البورطابل بجنبي صونالي واحد غلطت هزيت المكواة

وحطيتها على وذني

قلولو والثانية علاه محروقة

قلهم بن الكلب زاد عيط دوزيام فوا .


40 - قالك وحدا قالت لراجلها غير لوكان ديت بليس وماديتكش انت

قلها لا لا يجوز الاخ يتزوج اختو .

---

40 k;jm v,,,,um