[معلومات العضو zineb_hl]

السلام عليكم ورحمة الله وبركاته

كاين ايميلات يوصلونا نتاع تبيصيص هبال هاذو منهم
اقرا وشوف التبلعيط بعينو

باسم الله نبداو:

الايميل الاول

الايميل نتاع الحبيب السري ((ارسل ل15 شخصا وسيظهر لك وجه حبيبك السري))


والله كرهت حياتي
ايا حبيبي السري ما يحوسش نعرفو
والا كان اعترف من بكري
هههه نبعث نبعث وما بانش لضرك ههاهاهاه


=============================

الايميل الثاني

تحذير من الويندوز
أرسل هذه الرساله لكل المضافين والا فسينقطع حسابك


لا وثاني مصدر موثوق BBC
ههههههه والله شبعت ضحك
الهدرة هاذي عندها عام والايميل ما تقفلش!!!
وعمري ما بعثتها لعبد !! << تبانلي رايح يتقفل اليوم
يخي تخلف معرف وشي الفايدة

يعني انا نرسلتها لـ40 .. غيري يرسلها لـ60
ومبعد لــ 100 و200 و500

هكاك بلا فايدة (مهابل وحابين يتمهبلو ))

=============================

الايميل الثالث

ومن الايميلات اللي اللي تضال تتبعث هكاك فالباطل

الايميل اللي يقولك فيه
واحد اتحداني نلقى 300 مسلم قبل ما يلقى هو 300 كافر
يعني يقدر يصف 300 اسم في عشر دقايق
يعني لو التحدي عنده فايدة كان دخل في موقع معروف
يحط رابط ويبشر بـ 3000 مسلم مش 300
وكل واحد يدخل يسجل اسمه
بصح ايميل ؟؟؟؟.. يزي هدرة فارغة
ويعجبك العباد بكل فخر تحط اساميها .. والحمد الله حنا مسلمين

يخي طنه

=============================

الايميل الرابع


اول ما نفتح البواط نتاعي نحوس على حاجة تفتح النفس
بصح ضرك خصك ماكان والو يقلك الماكلة هاذي مسرطنه والعصير هاذا يسبب صلع
والخبزة اذا قسمتها وهي فالساشي تسبب سرطان في الابط
والصابون اذا حطيته في فمك يسبب سرطان في لسان بنت عمك والبشماق لوكان غلطت ولبستو مقلب يجيك كبد وبائي
والله لا هاذي حالة دجا راهو طلعلي الغاز
كل شي مسرطن كل شي ضار الله لا تربحلكم اذا كل شي مسرطن وضار كيفاه الناس راهم عايشين

والله من كثرة التخراف حيدخلو العباد في بعضاها هاذيك الساعة راهم يبردو

التريكو اذا لبستو مقلب يسبب سرطان في الاصبع الصغير من رجل امكم
(خطراه هي اللي تغسله )
هههههاااااااااااااااااااااي

......................... كامل اشاعات وهدرة فارغة

=============================

الايميل الخامس

برب كلمه تغضب الله


معلييييييييش

عارفين بلي برب = بي رايت باك .. واختصارها
BRB
يعني بالعربي معناها سأعووود حالا او نزيد شوية ونجي او حنتمندب نروح ونجي
وش دخلها بـ (قل أعوذ برب الفلق)...
والا خلاص غير نشوفو آية .. خلاص نقولو هــــاه باين صح
انا الضربة الاولة نبعث فيه مغفلة على روحي اقتنعت بيه وحطيتو صح

امالا لو كان نقوللكم بللي

OK

هي اختصار لإسم قسيس نصراني
Ordeal Keenly
كان يختم على صكوك الغفران التي تمنحها الكنيسه بأول حرفين من اسمه

O.K

اي تمت مسامحة المذنب وتطهيرة من كل ذنوبه
وللأسف انتشرت عندنا بمعنى الموافقه
حتى ان النصارى راهنوا انهم ينشرونه عندنا وتحدوا انهم يخلونا ننطق اسمه
تقريبأ في شكل يومي
حتى اصبحنا نقولها في 80% من هدرتنا

هاهاهاها
<<< خشيت ف-ي جو الـتأليف شفتو كيفاه ساهلة تخلط من راسك وزيد تقنع الغاشي وتحلفهم يبعثوه
يعني بلا تبهليل خدمو مخاخكم مش اي كلمة تفسروها كيما تحبو


=============================


أخيراَ

ايميلات .. أنشر تؤجر .. لا تدعها تقف بجهازك



كلنا نحوسو على الاجر .. والدال على الخير كفاعله
لكن اذا عدتو انتوما اللي مدايرين الايميل
ومش متأكدين من المصادر .. ما تنشروهاش باش ما تدوش الاثم قداه من خطرة والله العظيم يوصلوني ايميلات ويقلك حديث صحيح وقال الرسول وعن الصحابي كذا وهو حديث جامي سمعت والله غير ماهي مرة ماهي زوج يوصلوني ايميلات كيما هك واصلا ما يدخلوش الراس والله غير حالة هاذي يقولولها اسرائيليات كيما التصاور ثاني والقصص اللي يألفوها ويقلك معجزة صرات
ربي يهدي برك
للأسف كثير من الأحاديث تكون ضعيفه وأغلبية المتداولة عبر الإيميلات ضعيفة ونزلت فتاوى كثيرة تحذر منها
هذا غيرالاقوال والأدعيه اللي تطلع بدعه ما عندها حتى اساس من الصحة
واحنا ننشروها عن حسن نيه
والله العالم بنية اللي مدايرها

لا واللي يكملها

يقول هذي الجمله؟؟؟؟؟ الان كسبت 398321 حسنه
على رايك توزع حسنات والله لا هاذي استغفر الله وش حنقول والله حسبي الله ونعم الوكيل

لا ويقولك انتبه لا يضحك عليك الشيطان ارسلها اذا كنت تريد ان تضغط دليت فان اصل كلمة دليت
delete= devil
وتعني الشيطان
تلاحظ ان اول حرفين نفس الشيئ
de
وبدل V بحرف L
L يعني لا يضحك عليك الشيطان
Tمعناها تخسى تضحك علي

ههههه شوف هاذاك التفسير
هاذي كي قريتها شبعت ضحك

ههههههههههههه

وهاو وجهي اذا ما جاتكمش بعد مدة اشاعة وان مخترع الكيبورد يهودي
اخيراً لايلعب عليك الشيطان وارسلها لـ 9 من اصحابك و3 بنقاليه ووحدة حجة وتسمع احلى خبر اليوم
واذا لم ترسلها سينقص اصبع من رجلك

هههههههههههههههههههههههههههههههههههههههه

loooooooooooool




... ولكم مني اجمل تحية ...

---

hdldghj kjhu jfigdg