[معلومات العضو slimane2222 ا الفقير الى الله]

للبنت , للولد , الفرق , الكمبيوتر , جهاز , وجهاز

إن شاء الله كل أعضاء الواحة بخير




~ ~



الفرق بين جهاز الكمبيوتر للبنت وجهاز الكمبيوتر للولد



اولا جهاز البنت لايديز فرست


من النظرة الاولى من بعيد للشكل العام للجهاز

تلاقي الجهاز نضيف ومرتب وحواليه دباديب أو عرايس أو

لعبها وتلاقيها لازقة عليه صور فراشات أو صور رقيقة و قلوب

وحجات كلها دلع ورقة .. و تلاقي كرسيها نضيف وسليم وشكلة

حلو ومحطوط بشكل صحيح قدام المكتب




تفتح الجهاز تلاقى صوت نغمة رقيقة مع فتح الجهاز و حاطة

خلفية صورة شخصية ليها او صورة بنت جميلة أو وردة



تقلب فى الملفات تلاقي أسماء الملفات عندها جميلة زي



صور أطفال
صور فساتين
صور موضة
أفلام رومانسية
أغاني عاطفية



تفتح الهيستورى بتاع الجهاز تلاقيها كانت مشغلة حجات زي

فيلم تيتانيك
مواقع نكت
مواقع موضة
قهوة كتكوت
أغنية تملى معاك
أغنية بهواك
مواقف كوميدية



تفتح الايميل بتاعها تلاقيها حاطة نك نيم رقيق زي

بنوتة شقية
دلع
حبوبة
حب عمرى

لو دققت شوية فى تاريخ تسطيب الويندوز ممكن تلاقي
الويندوز شغالة معاها من حوالى 7 او 8 شهور متغيرتش

تيجي تشم ريحة الجهاز تلاقي ريحتة برفان جميل

ولما تيجي البنت تقفل جهازها تلاقيها قفلت الحجات الى مشغلاها
حاجة حاجة وبعدين تدوس "شت دوان" وتسمع نغمة رقيقة

والجهاز بيقفل

-----------------------------------

نخش على اجهزة الاولاد


من النظرة الاولى للجهاز ووضعه من بعيد تحس انك داخل على
حاجة شبة التوكتوك الى عامل حادثة ومطلعينه من ترعة

تلاقي الكيس مفتح من كل ناحية وفيها خروم غريبة ولو بصيت جواها تلاقي
فيها حجات ومواد غريبة غالبا ممكن تكون مشتعلة وملهاش أى علاقة بالجهاز



وتلاقي الهارد متعلق زي الدبيحة من السلك بتاعه ومتعرفش ليه
وتلاقي كمية وصلات عجيبة داخلة وخارجة من الجهاز ومش بعيد
تلاقي متوصل معاهم خرطوم مية



وتلاقي باب السي دي مفتوح من غير اى داعي بالرغم
من انك تحاول تقفلة هتلاقيه بيتفتح تانى لوحدو

الشاشة ممكن متلاقيش قعدتها أصلا ...
وممكن متلاقيش غطاء الشاشة الخلفى برضو كنوع من انواع التهوية
ولسعات سجاير وطفاية فى كل حتة من الجهاز



وتلاقي الكي بورد سلكها ملحم فى بعضه وزرار
الانتر وبعض الازرار المهمة غالبا مش هتلاقيها

وبالنسبة للكرسي ده لو لقيت كرسي أو حاجة شبه الكرسي هتلاقيه
مليان بقع شاى وسجاير وغالبا هتلاقيه واقف على 3 رجلين بس

تيجي تفتح الجهاز وتدوس على زر الباور ده لو لقيتة وملقتش سلكتين
تلمسهم فى بعض عشان الجهاز يشتغل زي عربيات مكروباص الترامكو

يجى الجهاز يشتغل تسمع صوت كركرة غريب
و أصوات تانية شبيهة بالطرقعة المكتومة

تعدي كل ده وتبتدى الويندوز تفتح تسمع صوت نغمة الويندوز نغمة غريبة ..
الجماعة بتوع ميكروسوفت لو سمعوها هيبطلو ينزلو نسخ للشرق الاوسط تاني

تفتح الويندوز تلاقيه حاطط خلفية ثعبان او جمجمة مرعبة
او صورة غريبة ليه هو واصحابه تفكرك بالمخلوقات الفضائية
الي جاية من عالم غريب .. !!!

تدخل تقلب فى الملفات تلاقى اسماء الملفات غريبة وعجيبة

حشحش
دحدح
بتنجانة
صور معيز
صور حوادث
مصارعة





و 70% من الملفات هتلاقيها تحت سلسلة أسماء


New Folde11
New Folde12
New Folde13
New Folde14

الى ما لا نهاية ...

تفتح الهيستورى بتاعه تلاقي اخر حجات شغلها زي

ساو 3
ديد سيلنت
أغنية البلح البلح
صور مصارعين
كليب بوس الواوا
أسماء مواقع تخاف أصلا تخشها
نكت حشاشين

تفتح الايميل بتاعه تلاقيه حاطط نك نيم يرعب البنات

الشيطان 10
البجح
سفاح المعيز
المحشش
كمبورة
عاشق الموت

لو دققت فى تاريخ تسطيب الويندوز ممكن تلاقيه مسطبها قبل متيجى بساعتين
طبعا ريحة الجهاز هتلاقيها شبة متور العربية المحروق ...



ولما يجي يطفي الجهاز لو فاتح إيه ميقفلهمش وحدة وحدة
لا شد الكابل على طول من غير تفاهم .. كأنه بيعزب كافر ..
لانه طبعا ميعرفش حاجة اسمها أمر "شت داون"

كمان لو فيه فلاشة ... يا لهوي !!!

فلاشة البنت نضيفة وريحتها حلوة و بالغطا بتعها وفي علبتها


أما فلاشة الشباب

طالع عينها مكسورة ومن غير غطا اصلاً .. وتحس ان قطار معدي عليها


------------------


م ن ق و ل


و إن شاء الله يعجبكم

---

hgtvr fdk [ih. hg;lfd,jv ggfkj ,[ih. gg,g]