|
هـــد أعصـــــابك...
يا صدورٌ ما تبين اسرارهـا محجوبـه افتحي للشمس منفذ يختـرق لحجابـك و يا وليفي كل حجة للقضـا مطلوبـه و إن بديت بحجتي بالله هـد اعصابـك و الله اني ما نويت أنجّـب المنجوبـة مير عندي كلمتين(ن) كنهـن اطيابـك اشعل الليل الطويل بنـارك المشبوبـة ومن لجاء لك من سهاده لحفه بأهدابك انت لك حوبه وانا لي يا وليفي حوبـه من صلو جمرة غلاك اللي سببها غيابك من لضاها خافقي يادوب صبره دوبـه والحذر يعقد لساني يـوم مـا هلابـك و اللسان حصان والكلمة مِنه محسوبه لكن إن القلب هلاّ يوم شـاف ركابـك انت لك قدر ومكانـة شافعـة مكتوبـه ما تلاحظ يوم ما بادرت لك بعتابـك ؟ خذ تمعن في المشاعر جات لك مصبوبة صب مسكوك الذهب من مصنعه بكتابك و المشاعر عزف شاعر, بالغلا مسلوبه لو تسلّم في يدينك عفت نقش خضابـك و الحنايا روض وخيام الغلا منصوبـة و صل الاطناب منها لروضتك باطنابك ما دريت إن المشاعر فاتنـة مخطوبـه لين مالت و استمالت كله من اسبابـك اثرك الفتنة لمن عف الغـزل ودروبـه و ارتضى حكم القدر يوم القدر له جابك واينعت عندي ثمار الأبجدي بإعجوبـة يوم صغت القاف وارسلته لشرفة بابك هيبته من هيبة اللي مرسله بإ سلوبـه كنه اللي حوّل من حسابه إليا حسابـك ما استدنته من هل التطوير للأكذوبـه ولا شريته من احاسيس الغباء لإعجابك |
شكرا لك على الابيات والكلمات الرائعة
تحيـــــــــــــــــــــ احترامي ـــــــــــــــــــــاتي |
| الساعة الآن 08:39 AM. |
Powered by Alwaha® Version
Copyright ©2000 - 2026, Jelsoft Enterprises Ltd.