|
شعر على الاساتذة اللي يقرو فيا
هذا شعر على الاساتذة اللي يقرو فيا والا بالمعنى الاصح تعلاق نبدا باستاذة العلوم هي اللي راهي حامصتني : فالتلاميذ تشيط وفالقسم تعيط فالدروس تتمليط وفالغاشي تبلعط وفالحصص تكيط وفالنقاط ما تفرط استاذ الفرونسي : يضال يسهد كي البهلول ما يتفهمش وش يقول الشعر ما يتحففش اللوك ما يتبدلش السروال ما يطلعش الصباط ما يتمسحش في الهدرة ما يفرطش وفالنقاط ما يتخدعش وعلى المعاونة ما تعولش وفالاختبار ما تربحش استاذ الفيزياء : ارواحو تشوفو الفامات الهدرة نتاع بنات يمشي ويتلوط كيما الشيكلات بشعيراتو فرحان وفينا شابع سبان يضال يشرح تقول في بير وبقش مرتو شبع تعنقير الاجتماعيات : والله يا كشرود شعرو كي شوك القنفود عينيه سمسمات يضال يبدل فالسنيكسات الضحكة ضحكة بعيدة الهدرة مش مفيدة استاذ الانجليزية : من بعيد يبان خنفوسة وسط ذبان والا عتروس يدور يسرح فالجنان الضحكة زعما فور بالملامح والديكور استاذ الادب : ديما راهو يجرد ما يزهى ما يزرد وديما طايح فالجرة زريعتو والله مرة الضحكة ضحكة حرة صباطو كبر منو فالدرس طار جنو الطوموبيلات مسلفين الجاكيطات مدودين النقاط من جيبو خارجين فالسبورة لاصق وفكلمة هدوء عاشق الرياضة : كالبلوطة شبع تنقاز ليجاست نتاع رشيق نحلة تلم فالرحيق المشية نتاع بطريق ما خلى فالطريق ويولي يا ناس يتدحرج مش لا قي للدنيا مخرج استاذ الرياضيات : في حصة شخشوخ الشعب كامل يدوخ والله العبد يفوح وما لازمش يبوح يقفل التواقي والبيبان السيد حاطنا ذبان من السخانة القسم ذاب تكوى من العذاب تقولنا في حمام وممنوع الكلام المراقب العام : قالك عمي الصغير فالعمر كبير فالتلاميذ يحير وفالعياط والتبلعيط يموت يدير الصباط نوار الكوستيم نوار التقشير نوار الطومابيل نوار قلبو نوار العبد منو راسو دار المدير : وش من مدير والله فيه العبد يحير الكلمة مش مسموعة الراي مش مطروح ماكان لاه نبوح الكوشمار يدير ومن الاساتذة يغير المراقبة : وهاهي المراقبة في الشتاء بردانة وفالصيف مكسية تقولشي كافية وزايدة بوجادية من لبنات تغير والمكياج تدير وفالديرونجمو هي لا بروميار الناظر : غشو فينا يفش واللي ينقز يتفرش جامي يضحك جامي يبش زعما يدور زعما يعس وش رايكم الخطرة الجاية على المشرفين والا عضاء نتاع المنتدى هههههههههههههههههه راهي لا حقتكم الدالة ما تخافوش هههههههههههههههههه |
هههههههههههههههههه واش هاد الشي كامل ؟؟؟ الحمد لله ماجيناش نقروك يا زينب |
رانا نستناو
|
الله يهديك
|
يرد عليك أستاذ الرياضة فيقول؟؟؟؟؟؟؟؟؟؟؟
آداب التعلم اصبر على مـر الجفـا من معلم ... فإن رسوب العلم في نفراته ومن لم يذق مر التعلم ساعــة ... تجرع ذل الجهل طول حياته ومن فاته التعليم وقت شبابــه ... فكبر عليه أربعا لوفاتــه وذات الفتى والله بالعلم والتقى ... إذا لم يكونا لا اعتبار لذاته مانردش عليك.........؟؟؟؟ سمحيلي إذا نطق السفيه فلا تجبه ... فخير من إجابته السكوت فإن كلمته فـرّجت عنـه ... وإن خليته كـمدا يمـوت |
الاخت زينب ليست هذه باخلاق المؤمن ............حتى وان كنت مزحة ...فربما تصبح متداولة ............وتأ خذين وزرها ....... ارجوا منك التقيد باحكام التعليم حتى وان كنت مظلومة ...
|
الاساتذة حابين اعتذار اظن؟؟
المفروض تعطيهم واحد |
مجرد مزحة ، مشكورة زينب على روح الدعابة
|
كاد المعلم ان يكون رسولا
ولا والو |
اقتباس:
صحيـــــــح :0120-nod: |
| الساعة الآن 02:49 AM. |
Powered by Alwaha® Version
Copyright ©2000 - 2026, Jelsoft Enterprises Ltd.