alwahatech - شوفو لعجب اللي راهو يصير

شوفو لعجب اللي راهو يصير دونك قولولي وش ندير نكتب مقال والا تعبير وش تدير راك تحير
فالليسي ترقا جماعة زعما انتيك مدايرين فيها كليك
الواحد قد البوطو واقف تقول في فوطو
قاعد كي البهلول فمو ديما محلول يدور ويبوزي فوسط الحصص يروبوزي
،واللي حاط روحو ستيل يطلع شعرو كي الغوفالة مبهدل روحو كي الزبالة
ماكان لاه تشوف ليماج ما تركزش فليكليراج
قاعد كي الجايح في روحو عاشق دايخ
مام لي مازالو ذر ترقاه فسروالو يكر ،لا وليفاملات القضية زادت خلات لي جاست نتاع بنات هذا راهو جنان اختلال في الاوزان حكاية تريب البنيان
وارواح تشوف وحد لبنات حكاية اخرى مدايرة طابلو في وجهها تقول عليها ماسك تحبسلك راسك توت ليكولار ديما بليزافير حاطة روحها حاجة المشية نتاع دجاجة
تمشي وتتلوط مصاحبتلي واحد معوط تقول عليها فيبرور والا فيلم ديرور
هازة البرطابل وتدور حاطة روحها بيه فور
لا قراية ولا عقلية يخي حالة وميزيرية.
شوفو لعجب اللي راهو يصير دونك قولولي وش ندير نكتب مقال والا تعبير
والبرا حاجة اخرى اللي يدور بالطومابيل ارواح فهمني فهاذا الدرس يطلق البوست تقول في عرس
زعما ستيل وقافز هو باين حابس طايو طاي معوج يكحل ويتفرج الوقفة كوراج اللي تعقب راهو هاج زعما شجاعة ما شافش بلي مجاعة
والا قد البغل يحبس لعقل على لبنات مبيوع على روحو مخلوع في شكلو مخدوع قولولي
وش قاعد يصرا لازم مقال يتبث فالنشرة
ترقاه لا خدمة لا زدمة عقليتو والله ردمة ويقول ما عنديش الزهر يقابل الحيط بالظهر راهو حكى راهو هدر يلزملو غير قبر
يعرفو غير يتكاو وفالفراغ يتشوكاو على بنات الناس يتداعو
سايي راهم ضاعو يحسب الطريق نتاعو
والا ترقاه زاطل مام لحياة فيه باطل
عينيه سايي لصقو كي شافو طفلة سايي فسقو
يعود غير يصفر ويعيط يبلعط ويكيط ، يخي سوفاج يخي ديقوطاج
كلش مش مفيد يدور يخمم فال vide و يقلك رانا دخنا من السخانة زدنا شحنا فالمحنة رانا طحنا
يخي وحد العاطل حياتك كلها باطل من هالسيستام يزينا والله رانا عيينا هاذي دونجي وحزينة
خلوني نحكي نعبر ونزيد فالديشي والا المفيد
شوفو لعجب اللي راهو يصير دونك قولولي وش ندير نكتب مقال والا تعبير [عزيزي الزائر يتوجب عليك التسجيل لمشاهدة الروابط .. للتسجيل فضلاً اضغط هنا]