|
والله راني غرقت وجاتني تسونامي
والله راني غرقت وجاتني تسونامي من لي طلعت لليسي وخليت سويامي في الفرونسي يسقسونا علاه ما خدمناش هو الاستاذ الفصل كومبلي ما بانش وما جاش عندو ظروف ما همناش وما لمناش وفي لافان نتاع ليقزامان قالولنا اكتبو برية انا بديتها بالسلام و بالتحية وكتبت : جوسوي بيان ما فامي بيان لي زامي بيان اي جام لالكتور وهواري الدوفان في الانجليزية النقاط راهي رايبا وعايبة الورقة تقول فينومان راهي ناقصا حنان حتى في الادب الخراب راهو جاي ارواحو تشوفو الحصة خصها غيركاس التاي فالرياضيات ياليل على الرياضيات يا عين تروح للدار تدي بوكس للعين في حصة شخشوخ الشعب كامل يدوخ والله العبد يفوح وما لازمش يبوح يقفل التواقي والبيبان السيد حاطنا ذبان من السخانة القسم ذاب تكوا من العذاب فالاجتماعيات ها الطابلة ها الكرسي نهار الروزيلطا على بالي يقوم عرسي والله راني غرقت وجاتني تسونامي من اللي طلعت لليسي وخليت سويامي مانحكوش على العلوم القدر راهو طايح النقاط راهي خراب غير فكك من الفضايح فالفيزياء ارواح شوف النقاط كيفاه صارت ولينا رايبين تايهين وضايعين من الربع والنص ماناش خارجين في حصة السبور راهو ما كانش السيبور الحصة tout العبد يدور وهو واقف كي الجادور قالك نقز تدي فور كسل رجلك توصل للبور هاذي هي حالتنا في الدوميل ناف عاد الغاشي من لينوت يخاف يا عجابة يا ربي حتى فالشريعة النقاط مهلوكة الحالة راهي فضيعة والله راني غرقت وجاتني تسونامي من لي طلعت لليسي وخليت سويامي |
والله راني غرقت وجاتني تسونامي من لي طلعت لليسي وخليت سويامي كلمات ملحونة ومنسوجة بشكل جيد :icon30: صح يحدث تغيير والكثير يصعب عليه التعود على الطور الجديد من البداية مشكوووور ة على الكلمات |
هههههههههه والله راني غرقت وجاتني تسونامي من لي طلعت لليسي وخليت سويامي (((الله ينجّينا وينجّيكم ))) --------------- شكراً لك على الكلمات في انتظار الجديد تحياتي |
والله راني غرقت وجاتني تسونامي من لي طلعت لليسي وخليت سويامي رووووووووووعة و الله غير تليق أغنية rap و تبقى طرق تقديم الدروس بالمتوسطة أحسن منها بالثانوية و هذا بشهادة الكثير من الطلبة المجتهدين شكراً زينب على الموضوع [عزيزي الزائر يتوجب عليك التسجيل لمشاهدة الروابط .. للتسجيل فضلاً اضغط هنا] |
| الساعة الآن 07:38 PM. |
Powered by Alwaha® Version
Copyright ©2000 - 2026, Jelsoft Enterprises Ltd.