|
سؤال للبنات والأولاد
سؤال للبنات والشباب .....والجريئ يجاوب!!! سؤال للبنات والشباب .... نتمنى تشاركو كلكم و لوكان تمر وما تشاركش تشوف ------------------------------ لو مثلا انتي كنتي مديقوتيا وفاطة وراقده وكيما نضتي من الرقاد لقيتي اهلك نايضين وقاعدين يفطرو قعدتي معاهم وانتي ومديقوتيا و واصلة معاك للخر (اصلاً وكتاش كنتي زاهية ):005: وامك قاعدة تخزر فيك وتضحك وانتي كل شوية تعدلي في روحك حاسة بلي كاينة حاجة مش قد قد اليوم، كمل بيك لفطور ودارلك وقاللك:مبرووووك يابنيتي انتي : مبروووك على واش (متقلقة وفاطة) امك : اليوم كلمتني امرا تحوس عليك طبعا راح تتبدل ملامح وجهك ويروح الديقوطاج ويتزرع في وجهك الدم من الفرحة بصح تحشمي من امك تخلي وجهك حشمان:Jm_032: انتي : وش تحوس لمرا (انواع التبهليل زعما ما راكيش فاهمة) امك : تحوس تتصور معاك الحق وش تحوس في رايك تديك لولدها انتي : يعني تحوس تخطبني (مقطعتها البرائه والطفولة .... ... امك : ايه وش قلتي انتي : ما نيش حابة نتزوج(اييه مدايرة روحك مش هامك لو كان ما جيتيش تحشمي راكي طيشتي روحك من السطح من الفرحة ) امك : امالا نبعثه لبنت خالك ( وشي هذا ولا ايميل حتان تحوس تبعثو؟ انتي : وش بيك اما يخي تعرفيني نشتي نقسر برك المهم بعد يومين كلمت ام لعريس امك ام العريس : الووووو (متحمسة) وولدها بحذاها امك : الوووووو ام العريس : وش راكم امك : لاباس الحمد لله ام العريس : وش قلتوااااااا امك : قابلين ام العريس : خلاص امالا نهار لخميس يجي ولدي يشوف بنتكم امك : اوكي (عادي امك متطورة تعرف الانجليزية ذابحتها قناة ام بي سي 2 المهم خلصوووووو وانتي بدا قلبك يقول طمبق طرنق طربق اليوم الاثنين ويوم الخميس قريب سؤااااااااالي هنا حابة نعرف وش تديري من يوم الاثنين للخميس ويوم الخميس بالذااااات ؟؟؟؟؟؟؟ او انت ياجون لو كان انت اللي راح تتلاقى بالطفلة وش راح تدير ؟؟؟؟؟ حطو رواحكم في بلاصتهم وقولولي وش تكون ردة فعلك ؟ فواش تفكر ؟ |
أيوا واش نقولك
ما زال ما حدث و تكلمت شئ واحدة علينا ياخي مي في بالي حوايج ياسر على بال شفت شئ ناس كيف عملوا تعرفي نفسي ندير و ندير و سعات نقول ما كان لاه غير خسارة و تعب راكي عارفة - فستان و جبيد و نتيف ههههههههه و حلويات و عرضة و لومات بعدها يملا هاذي من الأول تقص العرق و ما ديرهاش قاع يجيب الخاتم و يروح يربح حتى نهار العرس " السوق تسوقناه و الراجل جبناه " و الفاهم يفهم |
والله واش نقولك مازال ماتحطيت في هد الموقف زينب بصح كي نتحط فيه تم نقولك واش كان شعوري
بصح اكيد راح يكون قلق وارتباك وشويا خوف؟؟؟؟؟؟؟؟؟؟؟؟؟؟؟ راح تحيري واش تلبسي وكيفاش تخرجي امام امه وكيفاش تباني حداهاهذا الموقف صعب جدا؟؟؟؟ بصح اكيد من بعد نرد ليك لخبر ؟؟؟؟؟؟؟؟؟؟؟؟؟ |
هههههههههههه
نقولك منيش عارفة خاطر مزال مصراتش مي نظن نبدا نضحك ومنعرف واش نقول حتا نهار نشوفو مول الشي وبعد ساهل شكرا لك |
عادي نشوف وتشوف عجبتني وعجبتها هذيك هي الفايدة ويلا كان واحد فينا قال لالالالالالالالالالالالالالالالا الطريق اللي جابتني ترجعني وكل شي بالمكتوب هذا ما كان |
هي الأمور شوية صعيبة للبنات مي حنا الرجال نورمال مكان حتى مشكل واش هو الانسان يوجد نفسوا وخلاص نمشوا ونهدرو مع الرجال ونولوا هذا مكان |
اظن أن الامر سهل لنا أما البنت قد يصعب عليها الامر قليلا لكن هده الطريقة أصبحت قليلة لأن الرجل أصبح يرى البنت في الشارع قبل أن يأتي الى خطبتها شكرا على الطرح اخت زينب |
من المرة الاولى نقول لماما لالا
لكن نحب نعرف شكون هذا لي راه في هذا الزمان و يبعث يماه تخطبلو وحدة عمرو ما شافها |
| الساعة الآن 11:57 PM. |
Powered by Alwaha® Version
Copyright ©2000 - 2026, Jelsoft Enterprises Ltd.